ㄐㄑㄒ 狗咬豬 安平古堡佇海墘
古早 古早 着有人蹛遮徛起
荷蘭鄭成功佔過管理 紲過來清朝日本來霸去
所以台灣文化愛唯遮算起
億載金城予咱想起古早英勇保護鄉土的代誌
清幽的林默娘公園佇運河邊
散步運動憩淘賞月來遮安全閣真舒適
熱天時攏有人來海邊泅海水
也有規家口仔來耍佮歡歡喜喜
黃昏時四草大橋頂 看廣闊的海 白色的雲
黏着青青青的天 和紅記記的日頭 互相閃光相映
雄偉氣勢 看了真開脾 橋跤 看溢來溢去的海水
千變萬化婧到真正無抵比上熱鬧
拜六禮拜猶有過年時踅老街 奇奇巧巧
現代貨古早物猶有化煞的八卦劍獅五彩棋
着看恁的佮意安平的名產好食物
豆花蝦餅 鹼酸甜有特別好滋味點心店
一大堆有燒有涼炒的煮的 一定會予恁滿意
盈暗時海產店的海產攏 鱻 鱻 鱻餐廳猶有好料的山珍海味
你兄我弟喝拳啉燒酒真趣味足濟廟 足濟神
有食有行氣有燒番着有保庇予阮平安 快活閣順利


 戴墓吉